2004-cü il Afina Olimpiadasının gümüş medalçısı Natan Beqqeyli 9 illik həbs cəzası alıb. Apasport.az saytının məlumatına görə, 33 yaşlı avstraliyalı avarçəkən narkotik həb satışında günahlandırılır. Minimum beş ili həbsxanada keçirəcək Natan yalnız bundan sonra vaxtından əvvəl azadlığa buraxıla bilər.

Maraqlıdır ki, onun 27 yaşlı qardaşı Dryu da həmin növ narkotikin satışına görə dustaqxanaya salınıb. Fərq ondadır ki, kiçin Beqqeylinin cəzası daha ağır – 12 il olub. Natanın evində axtarış aparılan zamanı həblərinin istehsalı ilə bağlı avadanlıq, habelə vasitələr tapılıb. Onun ötən ilin noyabrında həbs olunduğunu nəzərə alsaq, 2012-ci ildən tez azadlığa buraxıla bilməz.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”