Millətlər Liqası: Yığmamızın rəqibləri bəlli olur

Millətlər Liqası: Yığmamızın rəqibləri bəlli olur - YENİLƏNİR

12.02.2026 - 09:28

Bu gün Belçikanım paytaxtı Brüsseldə UEFA Millətlər Liqası turnirinin 2026/27-ci illər mövsümünün püşkatma mərasimi keçiriləcək.

Apasport.az xəbər verir ki, püşkatma Bakı vaxtı ilə saat 21:00-da başlayacaq.

D Liqasının 1-ci səbətində yer alan Azərbaycan milli komandasının potensial rəqibləri də müəyyənləşib. Bu mərhələdə hərəsində 3 komanda olmaqla 2 qrup formalaşdırılacaq. Qruplarda komandalar bir-biri ilə ev və səfər prinsipi əsasında ümumilikdə 4 oyun keçirəcəklər.

D Liqasında iştirak edəcək iki yığma martda baş tutacaq pley-off oyunlarından sonra dəqiqləşəcək.

Qeyd edək ki, UEFA Millətlər Liqasının yeni mövsümünə sentyabrın 24-də start veriləcək. Qrup mərhələsinin son oyunları noyabrda keçiriləcək. Turnirin final mərhələsi isə 2027-ci ilin iyun ayında baş tutacaq.

UEFA Millətlər Liqası

2026/2027 mövsümü

A Liqası

1-ci səbət: Portuqaliya, İspaniya, Fransa, Almaniya

2-ci səbət: İtaliya, Niderland, Danimarka, Xorvatiya

3-cü səbət: Serbiya, Belçika, İngiltərə, Norveç

4-cü səbət: Uels, Çexiya, Yunanıstan, Türkiyə

B Liqası

1-ci səbət: Şotlandiya, Macarıstan, Polşa, İsrail

2-ci səbət: İsveçrə, Bosniya və Herseqovina, Avstriya, Ukrayna

3-cü səbət: Sloveniya, Gürcüstan, İrlandiya, Rumıniya

4-cü səbət: İsveç, Şimali Makedoniya, Şimali İrlandiya, Kosovo

C Liqası

1-ci səbət: İslandiya, Albaniya, Monteneqro, Qazaxıstan

2-ci səbət: Finlandiya, Slovakiya, Bolqarıstan, Ermənistan

3-cü səbət: Belarus, Farer adaları, Kipr, Estoniya

4-cü səbət: Latviya/Cəbəllütariq cütünün qalibi, Lüksemburq/Malta cütünün qalibi, Moldova, San Marino

D Liqası

1-ci səbət: Azərbaycan, Litva, Latviya/Cəbəllütariq cütünün məğlubu, Lüksemburq/Malta cütünün məğlubu

2-ci səbət: Lixtenşteyn, Andorra

Pley-offda məğlub tərəf reytinqdə 49-52-ci yerlərdən birini tutsa, birinci səbətdə qalacaq. 53 və ya 54-cü yerdə qərarlaşsa, ikinci səbətə düşəcək. Bu cütlər püşkdə həmin yerlərin sahibləri kimi təmsil olunacaqlar.