Azərbaycan Triatlon Federasiyasının prezidenti Elçin Əliyev istefa verib.

Apasport.az saytının məlumatına görə, bunu sabiq qurum başçısının özü açıqlayıb.

Əliyev bildirib ki, son bir il ərzində triatlonun inkişafı üçün Gənclər və İdman Nazirliyi ilə birlikdə çox işlər görülüb: “Bu müddət ərzində davamlı olaraq müxtəlif formatlı idman yarışları keçirilib, triatlonla məşğul olanların sayı dəfələrlə artıb, ölkədə triatlon klubları yaradılıb. Uşaqların bu idmana cəlb olunması istiqamətində davamlı iş aparılıb, ölkədə onlar üçün müxtəlif yarışlar təşkil olunub. Qeyd etməliyəm ki, mənim əsas fəaliyyətim innovasiyalarla baglıdır və hazırda mənim rəhbərliyim altında Azərbaycanda və bir sıra xarici ölkələrdə mürəkkəb innovativ layihələr üzərində iş gedir və bununla yanaşı il ərzində mənim silsilə ezamiyyətlərim planlashdırılıb. Buna görə də qeyd etməliyəm ki, vaxt azlığı ilə əlaqədar olaraq mənim Federasiyanın işində əvvəlki həcmdə aktiv iştirak imkanım olmayacaq. Əlavə olaraq bütün tərəfdaşlara dərin minnətdarlığımı bildirirəm: əsas tərəfdaş Gənclər və İdman Nazirliyi, Bakı Su İdmanı Sarayı, ASAN innovasiya mərkəzi, BCC, PMD, FİNOKO, AQVAVİTA, METAK,  Alufar, Nərəkənd. Bununla yanaşı mən triatlonun inkişafında gələcəkdə də mövcud zaman resursları çərçivəsində iştirak etməyə hazıram və öz təcrübəmlə bundan sonra da bu idman növünün Azərbaycanda inkişafına öz töhfəmi verəcəyəm". 

Qeyd edək ki, Əliyev 2021-ci il dekabrın 21-də Azərbaycan Triatlon Federasiyasının prezidenti seçilmişdi.

• Xabi Alonso yalnız bir kluba rəhbərlik etməyə hazırdır
• Düşməzdən 3,92 əmsallıq KUPON
• Millimiz Türkiyə yığmasını qəbul edir
• Azərbaycan millisinin insult keçirən sabiq futbolçusunun son durumu bəlli olub
• Klub prezidenti öldürüldü