Bolqarıstanın paytaxtı Sofiyada 23 yaşadək (U-23) boksçular arasında Avropa çempionatı davam edir.

Apasport.az xəbər verir ki, yarışın ikinci günündə Azərbaycan millisinin 2 boksçusu qələbə qazanıb.

60 kq çəkidə mübarizə aparan Ruslan Qədirov ikinci görüşünü də aktivinə yazıb. Milli üzvü Stefan Samoviçi (Serbiya) 5:0 (29:27, 28*:28, 28*:28, 28*:28, 28*:28) hesabı ilə məğlub edərək 1/4 finala yüksəlib. Onun bu mərhələdə rəqibi bolqarıstanlı Radoslav Rosenov olacaq.

Fərhad Şeydayev (75 kq) də 1/8 final qarşılaşmasından üstün ayrılıb. Boksçumuz Çadi Baraiaya (Fransa) 4:1 (29:28, 29:28, 28:29, 29:28, 29:28) hesabı ilə qalib gəlib. Şeydayev 1/4 final görüşündə Alan Perrie (Şotlandiya) ilə gücünü yoxlayacaq.

Hər iki boksçumuz növbəti döyüşünü oktyabrın 16-da keçirəcək.

Qeyd edək ki, Avropa çempionatına oktyabrın 20-də yekun vurulacaq.

• “Neftçi” pley-offda səpələnmişlər sırasında
• “Yuventus” və “İnter” almaniyalı uğrunda mübarizə aparır
• “Braqa”nın baş məşqçisi "Spartak"a keçir? - Agenti açıqladı
• Cüdo yığmamız Macarıstanda hazırlıq keçib
• Bütün dövrlərin klub qolçuları açıqlandı - SİYAHI