Bakı. Aqşin Əliyev - APA-Sport. Çimərlik futbolu üzrə Azərbaycan milli komandasının iştirak edəcəyi dünya çempionatının Avropa zonası üzrə seçmə mərhələsinin C qrupunun təqvimi müəyyənləşib. Azərbaycan Çimərlik Futbol Federasiyasının baş katibi Ceyhun Xəlilbəylinin “APA-Sport” agentliyinə verdiyi məlumata görə, yığmamız ilk rəsmi matçına mayın 11-də çıxacaq. Həmin gün milli komandamız seçmə qrup mərhələsinin birinci turunda İtaliya ilə qarşılaşacaq. Ertəsi gün futbolçularımız Norveçi sınağa çəkəcəklər. Mayın 13-də isə Azərbaycan və Yunanıstan arasında oyun keçiriləcək. Avropa zonasında 24 kollektiv 6 qrupda 4 vəsiqə uğrunda mübarizə aparacaq. Qruplarda ilk iki pilləni tutanlar və 3-cü yerdə qərarlaşan 6 komandadan 4-ü 1/8 finala yüksələcək. Yarımfinaladək irəliləyəcək yığmalar iyulda Fransanın Marsel şəhərində təşkil olunacaq dünya çempionatına vəsiqə qazanacaqlar.

• “Konyaspor”un yeni baş məşqçisi bəlli olub
• “Fənərbaxça”nın futbolçusu Fransa yolunda
• Mourinyo: "İngiltərə millisi ilə maraqlanmıram"
• "Trabzonspor" - "Fənərbaxça" matçının baş hakimi müəyyənləşib
• Almaniya Kuboku: “Bavariya”dan darmadağın