Mən yığmamızın baş məşqçisinin Azərbaycan Premyer Liqasında legioner limitinin ləğvinə münasibətini normal qiymətləndirirəm”. Bu sözləri “APA-Sport” agentliyinə açıqlamasında AFFA-nın baş katibi Elxan Məmmədov deyib. Onun sözlərinə görə, Azərbaycan milli komandasının almaniyalı baş məşqçisi Berti Foqts 2011-2012-ci illərdə FİFA tərəfindən bütün klublara 6+5 limitinin qoyulacağını xatırladıb: “Yəqin ki, həmin vaxtadək biz də ehtiyat qüvvə hazırlayacağıq. Hələlik Premyer Liqada yerli futbolçu çatışmır. Eyni oyunçular müxtəlif klublar arasında fırlanırlar. Ona görə də legioner limitini ləğv etməklə yanaşı, Premyer Liqa klubları nəzdində fəaliyyət göstərən 17 yaşadək futbolçulardan ibarət komandaların çempionatını keçiririk. Artıq gələcək nəsli hazırlamağa başlamışıq”. E.Məmmədov yığmamızın avqustun 20-də səfərdə İslandiyaya qarşı keçirəcəyi yoldaşlıq görüşündən sonra B.Foqtsun yenə vətəninə yollanıb-yollanmayacağından məlumatsız olduğunu söyləyib. Baş katib bildirib ki, milli komandamızın sentyabrın 6-da dünya çempionatının seçmə mərhələsi çərçivəsində Uelslə səfərdə oynayacağı matça hazırlıq məqsədilə təlim-məşq toplanışının təşkili gündəmdədir: “Toplanış baş tutarsa, Foqts İslandiya ilə oyundan sonra Bakıya qayıdacaq”.

• Rud Nistelroy Premyer Liqa klubunun marağında
• "Real" seçim qarşısındadır: Qyökereş, yoxsa Haland?
• Ronaldo Portuqaliyaya təşəkkür edib
• Fransa – İsrail oyununa görə 4000 polis xidmətə çağırılıb
• "Fənərbaxça"nın futbolçusu qışda komandadan ayrılacaq