Bakı. Elşən Məmmədov – APA-Sport. Azərbaycan Premyer Liqasına uğursuz başlayan “Neftçi” klubu Rusiyanın “Ximki” komandasının hücumçusu Vladimir Bayramovun transfer edilməsi imkanlarını araşdırır. “APA-Sport” agentliyinin məlumatına görə, bu haqda “Ximki”nin baş direktoru Mixail Şeqlov məlumat verib. O, 27 yaşlı türkmənistanlı futbolçunun Rusiya Premyer Liqasında çıxış edən komandadan ayrılma ehtimalının böyük olduğunu bildirib: “Çox güman ki, Bayramovla vidalaşacağıq. Onunla Bakının “Neftçi” klubu maraqlanır». Transfer baş tutarsa, V. Bayramov “Neftçi”də yarımmüdafiəçi mövqeyində çıxış edən qardaşı ilə birgə oynayacaq. Qeyd edək ki, Türkmənistan yığmasına müntəzəm cəlb olunan V. Bayramov əvvəllər Rusiyanın “Terek” (Qroznı), “Metallurq” (Krasnoyarsk), “Kristall” (Smolensk), “Rubin” (Kazan) komandaları ilə yanaşı, vətənində “Kopetdağ”ın da şərəfini qoruyub. “Ximki”yə ötən mövsüm cəlb olunan forvard bu komandada indiyədək cəmi 6 görüş keçirib və 1 qol vurub.

• Benzia oynadı, komandası xal itirdi
• “Yuventus”un müdafiəçisi mövsümü erkən bitirdi
• Türkiyə millisində ciddi itki
• Ranyeri rəsmən “Roma”da
• Mourinyo "Əl-Nəsr"in ulduz futbolçusunu komandasında istəyir