Bakı. Mehman Süleymanov – APA-Sport. “Bakı” klubu Xorvatiya yığmasının hücumçusu Nino Buleni transfer etməyəcək. “APA-Sport” agentliyinin məlumatına görə, klub rəhbərliyi xorvatiyalı futbolçu ilə bütün məsələlərdə razılığa gəlsə də, baş məşqçi Qyoko Hacievski 32 yaşlı hücumçunu bəyənməyib. Maraqlıdır ki, makedoniyalı çalışdırıcını qane etməyən futbolçunun xasiyyəti olub. Bu səbəbdən N.Bule geri qaytarılıb.
Qeyd edək ki, N.Bule müxtəlif illərdə Xorvatiyanın əsas və olimpiya yığmasında, eləcə də, “Qamba Osaka” (Yaponiya), “Paschinq”, “Austriya”, “Admira Vakker”, “Zaqreb”, “Hayduk” və “Rijeka” klublarında oynayıb.

• “Fənərbaxça”dan Tadiç qərarı
• La Liqa klubundan təqdirəlayiq addım
• “Barselona”nın gənc ulduzu zədələndi
• “Mançester Yunayted” hücumçusundan narazıdır
• "Fənərbaxça" Medina ilə razılıq əldə edib