FIFA-dan qətərli futbolçuya ağır cəza - 5 oyunluq diskvalifikasiya

25.06.2026 - 17:18

Qətər millisinin futbolçusu Assim Madibo cəzalandırılıb.

Apasport.az xəbər verir ki, yarımmüdafiəçi DÇ-2026-da Kanada ilə matçdakı kobud oyuna görə 5 oyunluq diskvalifikasiya olunub.

Madibo qrup mərhələsində Kanadaya 0:6 hesabı ilə uduzduqları qarşılaşmanın ikinci hissəsində rəqib futbolçu İsmayıl Koneyə qarşı sərt qayda pozuntusuna yol verib. Epizoddan sonra o, qırmızı vərəqə alaraq meydandan qovulub.

Kanada millisinin və “Sassuolo”nun yarımmüdafiəçisi Kone zədə səbəbindən oyunu davam etdirə bilməyib. Futbolçunun baldır və qamış sümüyündə sınıq aşkarlanıb. Onun 4-5 ay yaşıl meydanlardan uzaq qalacağı gözlənilir.

FİFA-nın İntizam Komitəsi Madibonu milli komanda səviyyəsində 5 oyunluq diskvalifikasiya edib.