Moldovanın “Olimpiya” klubu “Xəzər-Lənkəran”ın sabiq futbolçusu Denis Kalinkovun köməyinə ehtiyac duyur. Apasport.az saytının məlumatına görə, Avroliqanın I təsnifat mərhələsində komandamıza rəqib olan Beltsı təmsilçinin baş məşqçisi Nikolay Bunya ötən mövsümü Lənkəranda keçirən həmyerlisindən məlumat toplamaq fikrinə düşüb: “Püşk bizim üçün pis də ola bilərdi. “Xəzər-Lənkəran” yaxşı maliyyə imkanlarına malik klubdur. Ötən mövsüm onun heyətində moldovalı yarımmüdafiəçi Denis Kalinkov oynayıb. Hesab edirəm ki, o, bizə keçmiş klubu haqda maraqlı informasiya verə bilər”.

“Olimpiya”nın çalışdırıcısı “Xəzər-Lənkəran”la oyunlara ciddi hazırlaşacaqlarını bildirib: “Biz növbəti mərhələyə çıxmaq istəyirik. Bunun üçün mümkün olan hər şeyi edəcəyik”.

• “Napoli” Premyer Liqa klublarına "yox" dedi
• Vinisius irqçiliklə mübarizəsindən danışdı - “Qardaşımın bunu yaşamasını istəmirəm”
• Ronaldodan Mbappeyə tərif: "Mənə öz dövrümü xatırladır"
• Moriyasu Braziliyaya meydan oxudu - “Onları keçmək istəyirik”
• Estakio qələbə qolunu vurdu: Matçın ən yaxşısı seçildi