Bu gün UEFA Çempionlar Liqasının 2026/2027 mövsümünün II təsnifat mərhələsinin püşkatma mərasimi keçiriləcək.
Apasport.az xəbər verir ki, tədbir İsveçrənin Nyon şəhərində yerləşən UEFA-nın mənzil-qərargahında baş tutacaq.
Püşkatma Bakı vaxtı ilə saat 14:00-da başlayacaq.
Azərbaycan çempionu “Sabah” bu raundda səpələnməmişlər səbətində yer alacaq. Valdas Dambrauskasın baş məşqçisi olduğu komanda I təsnifat mərhələsində TNS-i mübarizədən kənarlaşdırsa, növbəti mərhələdə daha güclü rəqiblərdən biri ilə qarşılaşacaq.
“Sabah”ın mümkün rəqibləri “Srvena Zvezda” (Serbiya), “Lex” (Poznan, Polşa), “Floriana” (Malta) – “Şemrok Rovers” (İrlandiya) cütünün qalibi, “Vardar” (Şimali Makedoniya) – “Kups” (Finlandiya) cütünün qalibi, “Jalqiris” (Litva) – “Drita” (Kosovo) cütünün qalibi və ya “Linkoln” (Cəbəllütariq) – “İnter” (Eskaldes, Andorra) cütünün qalibidir.
Qeyd edək ki, UEFA Çempionlar Liqasının II təsnifat mərhələsinin ilk oyunları iyulun 21-22-də, cavab matçları isə iyulun 28-29-da baş tutacaq.
Oxşar xəbərlər
Ana səhifə
Bütün xəbərlər